"PSJ" Mbappedən 98 milyon avro tələb edir

Fransanın "Paris Saint-Germain" klubu İspaniyanın "Real Madrid" klubunun hücumçusu Kilian Mbappeni məhkəməyə verib, 98 milyon avro təzminat tələb edib.

Aprel ayında Mbappenin vəkilləri forvardın borc kimi toplamaq istədiyi Paris klubunun bank hesablarında olan 55 milyon avronun dondurulmasına nail olublar.

Bazar ertəsi keçirilən məhkəmə iclasında "PSJ"nin vəkilləri Mbappenin "borca ​​dair kifayət qədər sübut təqdim etmədiyi və ya geri qaytarılma təhlükəsi nümayiş etdirmədiyi" qənaətinə gəliblər. Paris tərəfi onu da qeyd edib ki, Mbappenin özü kluba 98 milyon avro borcludur.

Klubun vəkili Renaud Semerdjian, "Mbappenin ona ziyan vuran gecikdirmə taktikası nəticəsində "PSJ"yə borcu var. Məqsəd 98 milyon avronu geri almaq deyil, Mbappenin bizə borcu varsa, onun iddialarının əsassız olduğunu göstərməkdir".

İş üzrə məhkəmə iclası mayın 26-da davam etdiriləcək.