Zilanlı kəndinin işğalı zamanı lentə alınan videogörüntülər Bakı məhkəməsinə təqdim olunub

Bu gün Bakı Hərbi Məhkəməsində davam edən prosesdə Ermənistan silahlı qüvvələri tərəfindən Qubadlı rayonunun Zilanlı kəndinin və Zəngilanın işğalı zamanı çəkilmiş videogörüntülər nümayiş olunub.

Videogörüntülərdə öldürülən və yandırılan Azərbaycan polisinin meyitləri əks olunub.

Ermənistan ordusunun hərbçiləri arasında da söhbətlər eşidilir. Deyirlər: "Biz bu yüksəkliyi götürmüşük. Buradan İrandır. Ondan sonra Zəngilana gedəcəyik. Orada, Araz istiqamətində Zəngilandır. Biz atalarımızın vəsiyyətini yerinə yetirmişik və məqsədimizə çatmışıq".

Ermənistan ordusunun hərbçiləri “Daşnaksütyun” yazısı olan bayrağın fonunda “Ayağa qalx, daşnak Dro” mahnısını oxuyurlar.