Kataloniyalılar tarixdə ikinci dəfə hər üç milli kuboku qazandılar

2024/2025 mövsümündə "Barselona" İspaniya futbolunda oynanılan hər üç rəsmi kubokun qalibi oldu.

“Barselona” La Liqanın 36-cı turunun səfər matçında “Espanyol”a 2:0 hesabı ilə qalib gələrək, finişə iki tur qalmış ən yaxın izləyicisi “Real Madrid” üzərində 7 xal fərq yaradaraq, İspaniya çempionu adını qazanıb.

Aprelin 26-da Kataloniya klubu final matçında əlavə vaxtda "Real"ı məğlub edərək (əlavə vaxtda 3:2) İspaniya kubokunun qalibi olub. Bundan əvvəl, 2025-ci il yanvarın 12-də “Barselona” Kral Klubuna qarşı həlledici oyunda da qalib gələrək (5:2) ölkə Superkubokunu qazanmışdı.

Bu, tarixdə ikinci dəfədir ki, blaugrana hər üç yerli İspaniya kubokunu qazana bilir - ilk dəfə 2008/2009 mövsümündə bunu bacarıb.