Azərbaycan millisi mundialın pley-offunda

Bakıda planetin 32 komandasının iştirakı ilə keçirilən mini-futbol üzrə dünya çempionatı (DC-2025) davam edir. Dünən bir neçə qrupda 3-cü turun oyunları ilə qrup məthəsəniə yekun vurulub və 8 komanda adını pley-offa (1/8 final) yazdırıb. Bunlarin arasında mundiala ev sahibliyi edən Azərbaycan millisi də var. Qeyd edək ki, mundialın A qrupunda Bəhreyn, Sloveniya və Mavritaniya yığması ilə mübarizə aparan millimiz topladığı 7 xalla qrupun vahid lideri olub. Yeri gəlmişkən, statrda Bəhreynlə sülh bağlayan (1:1) millimiz ardından Sloveniya (4:0) və Mavritaniyani (2:0) məğlub edib. 

A qrupunda yekun turnir cədvəli belədir:

Azərbaycan - 7 xal, Mavritaniya, Bəhreyn - hərəyə 4 xal, Sloveniya - 1 xal.

Mundialda 1/8 final mərhələnin oyunları mayın 27-də keçiləcək. Həmin gün Azərbaycan millisi hazırkı dünya çempionu Rumıniya ilə qarşılaşacaq.

İNTİQAM Məmmədov