Qadın voleybol millimiz Azal-da mübarizəyə başlayır

Mayın 30-da qadın voleybol yığmalarinin iştirakı ilə Avropa Qızıl Liqasinda (AQL) birinci dövrəyə start veriləcək. İyunun 1-dək davam edəcək bu mərhələdə baş məşqçisi Faiq Qarayev olan Azərbaycan millisi də  mübarizə aparacaq. Millimiz Bakıda təşkil olunacaq bu mərhələdə Macarıstan və Sloveniya komandası ilə qarşılaşacaq. Oyunların hamısı Dərnəgül qəsəbəsində yerləşən Bakı Voleybol Mərkəzində keçiriləcək. Mayın 30-da saat 18:30-da Azərbaycan Macarıstanla üzləşəcək. Ertəsi gün eyni məkanda və eyni saatda Macarıstan - Sloveniya matçı baş tutacaq. İyunun 1-də saat 18:00-da isə milimiz Sloveniya ilə elə həmin məkandaca  qarşılaşacaq.

Bütün oyunlar CBC Spirt TV-də canlı yayinlanacaq.

Yeri gəlmişkən, millimiz bu turnirə hazırlıqla bağlı 9-17 may günlərində Sloveniyada, 18-24 may günlərində isə Yunanıstanda təlim-məşq toplanışında (TMT) olub.

Artıq baş məşqçi Faiq Qarayev bu turnirdə ölkəmizi təmsil edəcək yığmanın heyətini müəyyənləşdirib.

İNTİQAM Məmmədov