YADA DÜŞƏR XATİRƏLƏR

(AZpressAZ-in arxivindən: 2023-cü il)

Səfər Alışarlı: 

Pənah Hüseyn dəqiq deyib: "Surət Hüseynov düşmən"...

O, rus agenti olduğuna görə Azərbaycan xalqının düşməni idi. Parlament binasına ilk gəlişində bəyan elədi: (maaa elə gəlir ki), Azərbaycan silah istehsal etməməli və silahı Rusiyadan almalıdır.

Ölkəmizdə onlar çoxdur. Növbəti birisi öldü. Ölülərlə haqq-hesabı başqa cür çürüdürlər. Mən dirilər üçün iki kəlmə yazamağı özümə borc bildim. Siyasət haqqında anlayışı olmayan, heç yumurtadan yun qırxmağı da bacarmayan adi bir agentin ölkənin başına hansı bəlaları gətirdiyini bütün dünya gördü: kimi sevindi, kimi məyus oldu. Zamanında mövzu mənə yeganə tv mərkəzindən çox yaxın olub. Ölkənin dağıldığının və gizli agentlər ittifaqı tərəfindən necə dağıdıldığının görmüşəm. Sonralar Kreml yüz cür etiraf etdi ki, Moskvanın əsas məqsədi Elçibəyi devirmək olub. Onlar bu gün bütöv bir ölkəni -Ukraynanı devirmək üçün müharibə edirlər. Onların planında Heydər Əliyev variantı yox idi. Siyasətin ustadı Heydər Əliyev özü variant yaratdı və metropoliyanı fakt qarşısında qoydu. Surət öz məhdud düşüncəsilə haradan gəlib hara getdiyini heç sonralar da anlaya bilmədi. Surətin həyatı və acınacaqlı aqibəti düşünmək üçün böyük siyasi material verir. Öyrənmək, ibrət götürmək, nəticə çıxarmaq lazımdır.