YADA DÜŞƏR XATİRƏLƏR

(AZpressAZ-in arxivindən: 2023-cü il)

Rəhman Orxan: 

Ölkə vətəndaşlarına qarşı MƏMUR LAQEYDLİYİ...

Dövlət idarələri telefon zənglərinə cavab vermirlər.

Nazirliklər və onların struktur rəhbərləri vətəndaşlar üçün ayrılmış yeganə telefon №-lərinə niyə cavab vermirlər?

Dünəndən bəri Ədliyyə nazirliyinə (012) 510-10-01, onun tabeçiliyindəki Məhkəmə Ekspertizası Mərkəzinə (012) 598-53-72, (012) 598-48-67, Nərimanov rayon Məhkəməsinə (050) 475-88-80 №-li telefonlara dəfələrlə zəng edilsə də, telefona cavab verən yoxdur. Vətəndaşlara qarşı bu cür saymazyanlıq, etinasızlıq, laqeydlik nə ilə bağlıdır? Yəqin ki, vətəndaşların haqlı şikayətlərini dinləyib, "başlarını ağrıtmaq", qanlarını qaraltmaq, rahatlıqlarını pozmaq istəmirlər. Bu laqeydlikləri ilə onlar niyə hökumət haqqında yanlış fikir yaradırlar?

Bəs, görəsən, o yeganə əlaqə telefonları nəyə lazımdır? Heç onu saytınızda göstərməyin də!..