YADA DÜŞƏR XATİRƏLƏR

(AZpressAZ-in arxivindən: 2023-cü il)

Elməddin Behbud:

Xankəndidə mitinq keçirən hayların dərketmə funksiyasını həyata keçirən orqanları iflic olub

Bu gün Xankəndində mitinq keçirilib. Mitinqin üzdə olan təşkilatçıları gəmidə oturub gəmiçi ilə dava edən separatçılardır.

Əslində isə "miatsum" ideyasının dəfnində iştirak etməkdən çəkinən bütün tərəflər bu aksiyanın keçirilməsində maraqlıdır.

Demək olar ki, hər gün Azərbaycan Ordusunun mövqelərini atəşə tutan, Xankəndidə stəkanda fırtına qoparan haylar bəzi incə nüansları ya anlamaq istəmirlər, ya da dərketmə funksiyasını həyata keçirən orqanları iflic olub.

Məsələn, Ordumuzun "Avropanın canlı təbiətinin və təbii mühitinin qorunması haqqında" Avropa Konvensiyasına qoşulmaq barədə Azərbaycan Respublikası Qanununun 6-cı maddəsinin a bəndini (bütün növlərin bilərəkdən ovlanması və saxlanması və bilərəkdən öldürülməsi) onlara şamil etmədiyini bilmirlər...

Eyni zamanda pafoslu çığırtıların və ərazisində yaşadıqları dövlətə qarşı silah tuşlamanın da 2020-ci ilin qışında yarımçıq qalmış işimizi tamamlamağımızın qarşısını almaq üçün yetərsiz olduğundan məlumatsızdırlar.