YADA DÜŞƏR XATİRƏLƏR

(AZpressAZ-in arxivindən: 2023-cü il)

“Yaşıl məktəb” ağacəkmə aksiyası - Masallıda- Akif Ağayev 

Masallı rayonu üzrə ümumtəhsil müəssisələrində “Yaşıl məktəb” layihəsi əsasında ağacəkmə aksiyası keçirilir.

Ümummilli lider Heydər Əliyevin anadan olmasının 100 illiyi ilə əlaqədar təşkil olunan aksiyanın keçirilməsində məqsədi eyni zamanda ətraf mühitin qorunması, şagird və tələbələrdə təbiətə qayğı hissini və ekoloji mədəniyyəti inkişaf etdirmək, onların sağlamlığının qayğısına qalmaqdır.

Aksiya çərçivəsində Masallı rayonunun bütün ümumtəhsil, orta ixtisas, məktəbdəqədər təhsil müəssisələrinin ərazilərində yaşıllaşdırma işləri aparılır.

Artıq 500-dən artıq meyvə və şam ağacları əkilib. 

Məlumat üçün bildirək ki, “Yaşıl məktəb” layihəsi əsasında ağacəkmə aksiyası Lənkəran-Astara Regional Təhsil İdarəsi, Lənkəran Peşə Liseyi, Cəlilabad Dövlət Peşə Təhsil Mərkəzi və 1 saylı Regional Ekologiya və Təbii Sərvətlər İdarəsinin birgə əməkdaşlığı çərçivəsində gerçəkləşir.

Akif AĞAYEV