Ayaqlarınızda yaşayan 180 növ göbələk var
Müxtəlif növ göbələklərin insan orqanizmində yaşaması demək olar ki, hər kəsə məlumdur. Onların ən çox sevdikləri yerlər dabanlar və ayaq dırnaqlarının altındakı yerlərdir. ABŞ-ın Bethesda şəhərindəki Milli İnsan Genomu Tədqiqat İnstitutunun tədqiqatçıları qrupu on sağlam insanın bədəninin 14 müxtəlif bölgəsində yaşayan göbələklərin DNT-sini sınaqdan keçirib. Onlar müəyyən ediblər ki, insan ayağında 180-ə yaxın müxtəlif növ göbələk var. Bunlardan 60-a yaxın növ dırnaq altında, 40-a yaxın növ ayaq barmaqları arasında, 80-ə yaxın isə növ dabanda yaşayır.


