U-16 basketbol millimiz AÇ-ya məğlubiyyətlə başlayıb

Bu gün İstanbulda (Türkiyə) 16 yaşlı (U-16) basketbolçu qızlar arasında Avropa çempionatının B dvizionuna start verilib. Bu yarışa ilk dəfə qatılan Azərbaycan yığması startda İsveç komandasıyla qarşılaşıb. Görüş rəqib komandanın 54:87 hesablı qələbəsi ilə bitib. Avropa çempionatının oyun  təqviminə əsasən yığmamız sabah Hollandiya ilə üzləşəcək (saat 22:30). 

Yeri gəlmişkən, çempionatda debüt edən millimizin heyətində 2 nəfər 14, 5 nəfər 15 və 6 nəfər isə 16 yaşlı oyunçudur. 

Odur ki, bu oyunlar yeniyetmə oyunçularımız üçün təcrübə toplamaq baxımından böyük əhəmiyyət kəsb edir. 

İNTİQAM Məmmədov