"Gəncə"VK-da yeni baş məşqçi 

Voleybol üzrə Azərbaycan çempionatının yüksək liqasında mübarizə aparan "Gəncə" Voleybol Klubu yeni baş məşqçi ilə anlaşıb. Söhbət 44 yaşlı braziliyalı mütəxəssis Rafael Petrudan gedir. Yeni məşqçi artıq komandada fəaliyyətə başlayıb və voleybolçularına qarşıya qoyduğu hədəfdən bəhs edib.

Yeri gəlmişkən, yetərincə təcrübəyə malik olan Petru karyerası ərzində Vətəni Braziliya ilə yanaşı, Portuqaliya, İspaniya, Kolumbiya və Cexiyada müxtəlif klublara başçılıq edib. O, eyni zamanda Kolumbiyada U-17, U-18 və U-20 yığmalarını çalışdırib. 2020-2022-ci illərdə Meksika millisinin baş məşqçisi olan Petru ötən mövsüm isə Perunun "Alianza" klubuna 31 ildən sonra çempionluq sevinci yaşadıb.

İNTİQAM Məmmədov