Hümbət Quliyev: 

Yaxşı adam və pis adam

(pritça)

Bir- birini tanıyan iki insan birgə yol getməli olurlar. Yolda biri o birisindən soruşur: necə fikirləşirsən, mən yaxşı adamam, ya pis?

O birisi cavab verir: -Sən yaxşı insansan.

- Mən isə hesab edirəm ki, sən pis insansan.

İkinci insan bu sözün qarşılığında dinmir.

- Niyə susdun, sözüm xətrinə dəydi?

- Qətiyyən.

- Xətrinə dəyməli idi axı! Sən məni yaxşı saydın, mənsə səni pis.

- Bax, bu dünyada hər şey məntiqə bağlıdır. Yaxşı adam hər kəsi yaxşı görür, pis adam isə, hamını pis görür. Gördüyün kimi, mənim xətrimə dəyə bilən heç nə olmadı:

Yaxşı yaxşı da qalır, pis də elə pis olur.

Hümbət Həsənoğlu