Azərbaycan güləşçiləri Universiadanin ilk günü 4 medal qazanıblar 

Qırğızıstanın Colpan-Ata şəhərində 17-25 yaşlı tələbələr arasında keçirilən və Azərbaycan təmsilçilərinin də qatıldığı Türkdilli Dövlətlərin Universiadasi davam edir. Qeyd edək ki, Universiadanin proqramına daxil edilən güləş yarışının ilk günü yığma komandamız üçün uğurlu olub. AGF-dən verilən məlumata görə, döşək üzərinə çıxan 6 güləşçimizin dördü inamla guləşərək mükafatçılar sırasında yer alıb. Medallardan üçü (1-1-1)  yunan-Romaçıların payına düşüb. Bütün görüşlərini qələbə ilə başa vuran Vədat Qasımlı (60 kq) qızıl, yalnız həlledici finalda büdrəyən Əli Quliyev (97 kq) gümüş, öz çəkisində üçüncü yeri tutan Cavad Məmmədov (77 kq) isə bürünc medal qazanıb. Sərbəst güləşçilərimizdən isə yalnız Ramik Heydətov (74 kq) üçüncü yeri tutub.

İNTİQAM Məmmədov