"Azəryol" qadın həndbol klubu Avropa Kubokuna evdə məğlubiyyətlə başlayıb

Dünən qadın həndbol klubları arasında Avropa Kubokuna 1/32 final oyunları ilə start verilib. Ölkəmizi bu turnirdə təmsil edən "Azəryol" (Mingəçevir) klubu 1/32 final mərhəsi çərçivəsində Avstriyanın "Yunion Kornoyburq" klubunu Bakıdakı ABU Arenada qəbul edib. Təəssflər olsun ki, dünən baş tutan ilk oyun qonaq komandanin qələbəsi ilə bitib -26:40 (17:21). 

Əvvəlcədən tərəflər arasında əldə olunan  razılaşmaya görə hər iki oyunun (səfər və ev oyunu) Bakıda keçirilməsi nəzərdə tutulur. Odur ki, bu gün saat 16:00-da eyni məkanda cavab oyunu keçirəcək. 

İNTİQAM Məmmədov