"Sabah" və "Neftçi" basketbol klubu Avrokubok yarışında 

Bu gün kişi basketbol klublarının mübarizə apardığı Avrokubok turnirlərində növbəti oyunlar keçiriləcək.Qeyd edək ki, Avrokuboklarda ölkəmizi təmsil edən üç klubdan ikisi bu gün meydana çıxacaq. Ölkə çempionu adını daşıyan və Basketball Champions Leaque turnirində istirak edən "Sabah" BK evdə Almaniyanın "Alba Berlin" klubunu qəbul edəcək. Görüş bu gun saat 20:00-da Milli Gimnastika Arenasında başlanacaq. Xatırladaq ki, ilk oyunda Almaniya təmsilçisi öz meydanında çempionumuzu böyük fərqlə məqlub etmişdi - 65:93.

Bu gün daha bir klubumuz isə FİBA Avropa Kubokunda (FİBA Europe Cup) mübarizəyə başlayacaq. Söhbət turnirin "İ" qrupunda yer alan "Neftçi" BK-dan gedir. Ağ-qaralarımız Polşada yerli "Trefl Sopot" klubunun qonağı olacaq. Oyun "Hala 100-leqia Sopotu" idman arenasında baş tutacaq (saat 21:15).

Yeri gəlmişkən, "Neftçi"nin yer aldığı "İ" qrupunda "Abşeron Lions" (Azərbaycan) və "Kaleb" (Estoniya) klubu da yer alıb. 

İNTİQAM Məmmədov