"Neftçi" BK Avrokubokda "Kaleb"i qəbul edəcək 

Bu gün kişi basketbol klublarının mübarizə apardığı Avrokubok yarışında sayca ikinci olan növbəti turun oyunlarına start veriləcək. Ölkəmizi FİBA Europe Cup-un  "İ" qrupunda  təmsil edən "Neftçi" klubu ikinci tur çərçivəsində Estoniyanın "Kalev" klubunu qəbul edəcək. Oyun saat 18:30-da Bakı İdman Sarayında başlanacaq. Xatırladaq ki, "Neftçi" ilk turda Polşada yerli "Enerka Trefel Sopot" klubuna uduzub - 63:92.

Yeri gəlmişkən, sabah isə eyni turnirin eyni qrupunda yer alan "Abşeron Lions" klubu Bakı İdman Sarayında (saat 19:00) Polşanın "Enerka Trefel Sopot" klubunu qəbul edəcək. İlk turda isə "Abşeron Lions" doğma divalar arasında "Kalev"ə uduzub - 85:93.

23-26 oktyabr günlərində isə ABL-da sayca 4-cü turun oyunları keçiriləcək.

İNTİQAM Məmmədov