Paşinyan: "Köçəryan və Sarkisyan artıq mənim rəqiblərim deyil"

Ermənistanın Baş naziri Nikol Paşinyan Robert Köçəryan və Serj Sarkisyanın onun siyasi rəqibləri olmaqdan çoxdan çıxdığını və keçmiş hakimiyyəti müzakirə etməyin mənasız olduğunu bildirib.

O, bu açıqlamanı Ermənistan parlamentində hökumət saatı zamanı verib.

Ermənistanın Baş naziri qeyd edib ki, Qarabağla bağlı məsələlər də daxil olmaqla, əvvəlki liderlər haqqında bütün məlumatlar artıq açıqlanıb və bu barədə daha ətraflı müzakirəyə ehtiyac yoxdur.

"Əvvəllər müxalifət siyasi rəqib hesab edilə bilərdisə, indi onun Ermənistanın siyasi həyatındakı rolu minimaldır. Mənim fikrimcə, onlar çoxdan rəqib olmaqdan çıxıblar", - deyə Paşinyan vurğulayıb.