Bu qidalar psixi sağlamlığı pisləşdirir

Zərərli qidalar beynin fəaliyyətinə mənfi təsir edərək depressiya və narahatlığa səbəb ola bilər.

Böyük Britaniya və Hollandiya alimləri tərəfindən aparılan son tədqiqatlar bəslənmənin beynin boz maddəsinin vəziyyətinə əhəmiyyətli dərəcədə təsir etdiyini göstərdi.

Reading Universiteti, Roehampton Universiteti, King's College London və FrieslandCampina universitetinin alimləri müəyyən ediblər ki, dəniz məhsulları və tərəvəzlərlə zəngin Aralıq dənizi pəhrizinə riayət etmək boz maddənin həcmini artırır.

Eyni zamanda şəkər və doymuş yağda yüksək olan keyfiyyətsiz qidaların qəbulu onun azalmasına gətirib çıxarır. Bu pəhriz qamma-aminobutirik turşunun (GABA) səviyyəsini azaldır və qlutamat səviyyəsini artırır.

Beyindəki bu balanssızlıq depressiya və narahatlığa səbəb ola bilər. Bu təsirin dəqiq səbəbi hələ müəyyən edilməmişdir, lakin elm adamları doymuş yağ səbəbiylə bağırsaq mikrobiomunda dəyişikliklərin hüceyrə mexanikasına təsir etdiyini və GABA istehsalını pozduğuna inanırlar.