Volan Badminton Klubu Yeni ili və Dünya Azərbaycanlılarının Həmrəyliyi Gününü birgə qeyd etdi

Volan Badminton Klubu həvəskarları və üzvləri ilə birlikdə Yeni il və 31 Dekabr – Dünya Azərbaycanlılarının Həmrəyliyi Gününü xüsusi bir tədbirlə qeyd edib. Tədbir Bakıda yerləşən restoranlardan birində keçirilib və klubun 50 nəfərlik üzv heyəti bu xoş gündə bir araya gəlib.

Gecə boyunca klub üzvlərinin aktiv iştirakı, səmimi mühit və qarşılıqlı ünsiyyət Volan Badminton Klubunda formalaşan güclü birlik və dostluq münasibətlərini bir daha nümayiş etdirib. Bu cür tədbirlər klub daxilində həmrəyliyi gücləndirməklə yanaşı, üzvlər arasında motivasiyanı və pozitiv enerjini artırmaq məqsədi daşıyır.

Volan Badminton Klubu üçün bu görüş təkcə bayram qeyd etmək deyil, eyni zamanda ortaq dəyərləri paylaşmaq, xoş anları birlikdə yaşamaq və gələcək hədəflər ətrafında daha da sıx birləşmək baxımından böyük əhəmiyyət kəsb edib. Klub rəhbərliyi gələcəkdə də üzvlərin birliyini möhkəmləndirən bu tip sosial və idman yönümlü tədbirlərin davamlı olacağını bildirib.

Tədbirin sonunda Volan Badminton Klubunun loqosu ilə xüsusi hazırlanmış tort kəsilib. Bu an gecənin ən yaddaqalan və simvolik məqamlarından biri olaraq iştirakçıların yaddaşında xoş xatirə kimi qalıb.

Qeyd edək ki, Volan Badminton Klubu idmanla yanaşı, sağlam həyat tərzini, dostluğu və sosial birliyi təbliğ edən layihə və tədbirlərlə fəaliyyətini uğurla davam etdirir.

Fotolar: Rüstəm İsmayılov

-bu reportajda olan fotoları sifariş ermək üçün
-eyni zamanda AZpress.AZ İnformasiya Agentliyinin XƏBƏR saytlarında REKLAM və REKLAM xarakterli məlumatların yayımlanması üçün təqdim etdiyimiz mobil nömrə ilə əlaqə saxlaya bilərsiniz: +99477 737 75 76