Kamal Umudlu U19 Avropa çempionatının seçmə mərhələsinin oyunlarını idarə etdi

FIFA referisi Kamal Umudlu UEFA-nın 19 yaşadək futbolçular arasında Avropa Çempionatının seçmə oyunlarına təyinat alıb.

Azərbaycanlı referi seçmə mərhələnin ilk turunda üç oyunu idarə edib.

A qrupunda Umudlu İsveç-Sloveniya və Belçika-İsveç oyunlarında hakim kimi çalışıb. O, Belçika-Sloveniya oyununda dördüncü hakim kimi çıxış edib.

Digər bir Azərbaycanlı referi Vüsal Məmmədov bu üç oyunda köməkçi hakim kimi çalışıb.