Millimiz dünya reytinqində birinci pilləyə yüksəlib

Dünya Mini-futbol Federasiyası (WMF) komandaların yeni reytinq cədvəlini açıqlayıb. Maraqlıdır ki, son dünya çempionatının qalibi adını daşıyan Azərbaycan millisi 4085 xalla ilk dəfə olaraq cədvəldə birinci pilləyə yüksəlib. Cədvəldə ikinci yeri hazırkı Avropa çempionu Serbiya millisi tutur (3890 xal). Cədvəldə ilk üçlüyü isə 3385 xalla Rumıniya yiqmasi tamamlayır.

Yeri gəlmişkən, millimiz hazırda Montonəqroda qarşıdakı Avropa çempionatına hazırlaşır. AERO-2026 mayın 27-dən iyunun 4-dək Slovakiyanın paytaxtı Bratislavada keçiriləcək. Millimiz "F" qrupunda Avstriya, İtaliya və Fransa komandası ilə qarşılaşacaq.

İNTİQAM Məmmədov