Bakıda ilk dəfə sumo üzrə dünya çempionatı keçirilir
FOTO=47 : https://www.facebook.com/groups/604248139738662/posts/3532373490259431/
Bakı, 17 oktyabr 2026-cı il

Azərbaycan beynəlxalq idman tədbirlərinin keçirildiyi mərkəzlərdən birinə çevrilmək istiqamətində daha bir mühüm addım atır. Oktyabrın 17-də Bakıda ilk dəfə sumo üzrə dünya çempionatına start verilib. İki gün davam edəcək mötəbər yarış Bakı İdman Sarayında təşkil olunur.
Çempionatda dünyanın 30-a yaxın ölkəsindən idmançıların iştirakı gözlənilir. Müxtəlif yaş qruplarını təmsil edən sumoçular fərdi və komanda yarışlarında medallar uğrunda mübarizə aparırlar.
Yarışların proqramı
Çempionatın ilk günündə, oktyabrın 17-də, 18 yaşadək qızlar və oğlanlar arasında fərdi və komanda yarışları keçirilir. Oktyabrın 18-də isə böyüklər — qadınlar və kişilər arasında mübarizə davam edəcək.
Qarşılaşmalar sumo idmanının ənənələrinə uyğun hazırlanmış xüsusi torpaq meydançada — dohyoda keçirilir. İdmançılar rəqiblərini meydandan kənara çıxarmaq və ya qaydalara uyğun üstünlük əldə etmək üçün güclərini, texnikalarını, tarazlıqlarını və çevikliklərini nümayiş etdirirlər.
Çempionat ənənəvi peşəkar yapon sumosundan fərqlənən beynəlxalq həvəskar sumo qaydaları əsasında keçirilir. Bu formatda idmançılar çəki dərəcələri üzrə yarışır, qadınlar və yeniyetmələr üçün də ayrıca mübarizə təşkil olunur.

 

++++++++++++++++++++   D İ Q Q Ə T :    ++++++++++++++++++++++

Tədbirlərinizin  ViDEO+FOTO ÇƏKİLİŞLƏRİNƏ  sifarişlər qəbul olunur:

əlaqə: WhatsApp- 010 528 3406, 050 331 1111