Ermənistan Aİ-dən imtina etdi

Ermənistanın Avropa İttifaqına daxil olması məsələsi hazırda aktual deyil.

Bu barədə ölkənin Xarici İşlər Nazirliyinin rəhbəri Ararat Mirzoyan rusiyalı həmkarı Sergey Lavrovla keçirdiyi mətbuat konfransında bildirib.

“Ermənistan Respublikası Avropa İttifaqına daxil olmaq üçün müraciət etməyib, bu istiqamətdə danışıqlar aparılmır və müvafiq olaraq, bu istiqamətdə yarana biləcək məsələ aktual deyil”, - Mirzoyan bildirib.

Martın 26-da Ermənistan parlamentinin üzvləri ikinci və yekun oxunuşda respublikanın Avropa İttifaqına daxil olması prosesinin başlanması haqqında qanun qəbul ediblər. Baş nazir Nikol Paşinyan qeyd edib ki, bu, Yerevanın icmaya qoşulması prosesinin avtomatik başlaması demək deyil, çünki bu məsələ referendum tələb edir. Öz növbəsində, respublikanın Xarici İşlər Nazirliyinin rəhbəri Ararat Mirzoyan qanun layihəsinin lazımi sayda imza toplayan ictimai təşəbbüs olduğunu izah edib.