İsrail İranın altı aerodromunu vurdu: 15 döyüş təyyarəsi məhv edildi

İsrail ordusu İranın qərbində, şərqində və mərkəzində altı aerodroma hücum edib.

Bu barədə İDF-nin sözçüsü məlumat yayıb.

"İslam Respublikasında hava üstünlüyünü gücləndirmək səyləri çərçivəsində İD İranın qərbi, şərqi və mərkəzi hissəsindəki 6 aerodromuna hücum edib. Zərbələr nəticəsində uçuş-enmə zolaqları, yeraltı qurğular və yanacaq dolduran təyyarə zədələnib. Pilotsuz uçuş aparatları 15 döyüş təyyarəsi və helikopteri məhv edib", - məlumatda deyilir.