(AZpressAZ-in arxivindən: 2024-cü il)

YADA DÜŞƏR XATİRƏLƏR

Bahəddin Həzi:

 Yaşasaydı, 68 yaşı olacaqdı...

Yaşasaydı, 68 yaşı olacaqdı Mobil Yusifovun. Deyirlər, məğlubiyyət yetim olur. Füzulidə könüllü batolyon (tabor) komandiri olaraq məğlubiyyət tanımamışdı. Heç bir zaman geri çəkilmədi. Vətən xaini Surət Hüseynov onu qanunsuz həbs edib Mingəçevirə apartdıranda da, yolundan dönmədi.

Əslində inşaatçıydı. Taleyinə düşən müharibə onu əsgərə çevirmişdi. Zabit şərəfi ilə yaşadı, döyüşdü, getdi.

Bəlkə, doğrudan da, məğlubiyyət yetim olurmuş. Mobilin isə qəhrəmanlıqları "yetim" qaldı; əsl dəyərini almadı.

Allah sənə rəhmət eləsin, Komandir! Gözün arxada qalmasın, canın sıxılmasın, qardaş. Uğrunda can qoyduğun torpaq azaddır artıq.