Ağcabədidə  şəhid həkim Tariyel Salmanovun əziz xatirəsinə həsr olunmuş voleybol  yarışının final oyunu keçirilib +FOTO=56

Ağcabədi  rayon Səhiyyə İşçiləri Həmkarlar İttifaqı Şurasının təşkilatçılığı ilə 8 Noyabr Zəfər gününə və şəhid Həkim Tariyel Salmanovun əziz xatirəsinə həsr olunmuş xəstəxana daxili voleybol yarışının final oyunu baş tutub.
Azpress.AZ-ın bölgə müxbiri xəbər verir ki, tədbirdə şura sədri  Azad Hüseynov, Ağcabədi  RMX  PHŞ-nin direktoru Elnur Abdullayev  və  Ağcabədi  Rayon  İcra Hakimiyyəti  başçısının müavini- İctimai-siyasi və humanitar məsələlər şöbəsinin müdiri  Vüsalə Məmmədova çıxış edərək yarış iştirakçılarını təbrik edib, şəhid həkimimizin xatirəsini dərin  ehtiramla anıblar. Çıxış edən şəhid həkim Tariyel Salamanovun  atası Allahverdi  Salmanov  oğlunun  əziz xatirəsinə həsr olunmuş  voleybol  yarışının final oyununun keçirilməsində əməyi olan hər kəsə minnətdarlığını bildirdi.
Gərgin və maraqlı idman mübarizəsi şəraitində keçən final  oyununda Stomatologiya-laboratoriya  şöbəsinin  komandası, Təcili yardım və Poliklinika şöbəsinin komandası üzərində qalib gəlib.
Qeyd edək ki, yarış Ağcabədi Olimpiya İdman kompleksində  keçirilib.
Qaliblərə  kuboklar, medallar,  diplom və hədiyyələr təqdim olunub.

Fotolar: Mais Amin

-bu reportajda olan fotoları sifariş ermək üçün
-eyni zamanda AZpress.AZ İnformasiya Agentliyinin XƏBƏR saytlarında REKLAM və REKLAM xarakterli məqalələrin yayımlanması üçün aşağıdakı mobil nömrə ilə əlaqə saxlaya bilərsiniz: 

+994503585041