"AZERRAİL" "Gənclər"i məğlub edib 

Bu gün kişi voleybol klublarının çıxış etdiyi Azərbaycan çempionatının Yüksək Liqasında 7-ci tura start verilib. Turun ilk oyunu Xırdalandakı Abşeron OİK-də baş tutub. Nominal ev sahibi olan "Gənclər" klubu "AZERRAİL"i qəbul edib. Görüş qonaq komandanın quru hesablı qələbəsi ilə başa çatıb - 0:3 (16:25, 15:25, 12:25).

Sabah isə qadınların yarısında 7-ci tura start veriləcək. İlk oyun "Murov Az Terminal" klubu ilə "AZERRAİL" arasında olacaq. Görüş saat 17:00-da "Murov Az Terminal"in idman zalında başlayacaq. 

Saat 18:00-da isə FHN-in Sağlamlıq İdman Kompleksində başlayacaq. Həmin oyunda isə "Xilasedici" "ORDU" klubunu qəbul edəcək.

İNTİQAM Məmmədov