FİFA 2026-cı il dünya çempionatı üçün yeni bilet kateqoriyası təqdim edib

Beynəlxalq Futbol Assosiasiyaları Federasiyası (FIFA) 2026-cı il Dünya Kuboku üçün bilet qiymətlərinin yüksək olması ilə bağlı tənqid dalğasına cavab verib.

FIFA turnirin hər oyunu üçün 60 dollarlıq yeni bilet kateqoriyası təqdim edib.

Daha əvvəl Futbol Tərəfdarları Assosiasiyası (FFA) azarkeş qruplarının qiymət siyasəti ilə bağlı FIFA ilə danışıqlar apara bilməsi üçün bilet satışlarının dayandırılmasını tələb etmişdi. Xatırladaq ki, 2026-cı il Dünya Kuboku finalının "büdcə kateqoriyası" üzrə biletlərinin qiyməti 4185 dollardan başlayır.

Yeni bilet kateqoriyası turnirin 104 oyununun hər biri üçün ümumi kvotanın 10%-ni təşkil edəcək. Hər ölkəyə oyunları üçün stadionun tutumunun 8%-i ayrılır.