Federiko Valverde Çempionlar Liqasında həftənin oyunçusu seçildi

"Real Madrid"in yarımmüdafiəçisi Federiko Valverde Çempionlar Liqasında həftənin oyunçusu seçilib.

Müsabiqənin mətbuat xidməti bu barədə X sosial media səhifəsində məlumat verib.

Uruqvaylı futbolçu 1/8 finalın ilk oyununda (3-0) "Mançester Siti"yə qarşı üç qol vurub.

Səsvermədə Valverde "Tottenhem Hotspur" üzərində 5-2 hesablı qələbədə iki qol vuran və bir məhsuldar ötürmə edən "Atletiko Madrid"in hücumçusu Julian Alvaresi, "Çelsi"yə qarşı iki qol vuran və bir məhsuldar ötürmə edən PSJ-nin qanad oyunçusu Xviça Kvaratskheliyanı (5-2) və "Atalanta" üzərində 6-1 hesablı qələbədə iki qol vuran və bir məhsuldar ötürmə edən "Bavariya"nın hücumçusu Maykl Olisehdən üstün olub.