Savatçılarımız Bolqarıstanda 4 medal qazanıblar

25-27 aprel günlərində Bolqarıstanın Plovdiv şəhərində savat idman növü üzrə "World Open Savate-2005" beynəlxalq turnir keçirilib. Üç gün davam edən turnirdə Azərbaycan idmançıları da iştirak ediblər. Federasiyadan verilən məlumata görə baş məşqçi Taleh Nağızadənin rəhbərliyi altında bəllib yarışa qatılan yığmamız 4 (1-2-1) medal qazanıb. Yeganə qızıl medalın sahibi kadetler arasında çıxış edən Ağamirzə Mahmudbəyli (30 kq, İrəvan İdman Klubu) olub. Kadetlerin yarışına qatılan eyni klubun üzvü Üzeyir Məsimov (36 kq) isə bürünc medal qazanıb.

Gümüş medallar isə kişilərin yarışına qatılan Beyrək Baqirov (80 kq, Gədəbəy İK) və Sənan Babazadənin (+85 kq, Gəncə Savate İK) aktivinə yazılıb. 

İNTİQAM Məmmədov