Bosniya və Polşa dünya çempionatının 1/8 final mərhələsinə vəsiqə qazanıb

Bakıda keçirilən mini-futbol üzrə dünya çempionatında daha iki komanda 1/8 finala yüksəlib.

Bu mərhələyə Bosniya və Herseqovina və Polşa komandaları yüksəlib.

Milli Gimnastika Arenasında F qrupunun üçüncü turunda komandalar üz-üzə gəlib. Qarşılaşma heç-heçə başa çatıb - 1:1.

Hər iki komanda ümumilikdə beş xal toplayıb.

F qrupunda keçiriləcək Qazaxıstan - ABŞ oyunu saat 20:45-də başlayacaq. Hər iki komandanın hərəyə bir xalı var.

Futzal üzrə dünya çempionatına iyunun 1-də yekun vurulacaq.