Boksçularımız Hollandiyada bir dəst medal qazanıblar

Eyndhovendə (Hollandiya) boks üzrə keçirilən və Azərbaycan təmsilçilərinin də qatıldığı beynəlxalq turnirə yekun vurulub. Turnirdə iştirak edən Azərbaycan boksçularından üçü uqurla döyüşərək mükafatçılar sırasında yer alıb. Təmsilçilərimiz arasında ən yaxşı nəticəni Məhəmmədəli Aşurəliyev (60 kq) göstərib. O, bütün döyüşlərini qələbə ilə başa vuraraq, qızıl medala layiq görülüb.

Yalnız həlledici finalda büdrəyən Əli Abdullayev (65 kq) ikinci yeri tutmaqla gümüş, çıxışını üçüncü yerdə bitirən Nəbi İsgəndərov (70 kq) isə bürünc medalla kifayətlənib.

Bununla da boksçularımız Hollandiya turnirini bir dəst medalla başa vurublar.

İNTİQAM Məmmədov