Elkiyar Ziyadov: "Sosial həssas qrupdan olan şəxslər əlavə bal alacaqlar"

"AHİK sanatoriya və istirahət mərkəzlərinə yollayışların verilməsi prosesində şəffaflığın, operativliyin və əlçatanlığın təmin olunması məqsədilə il sonuna qədər skorinq sistemi qurmağı planlaşdırır".

Bunu Azərbaycan Həmkarlar İttifaqları Konfederasiyasının (AHİK) sədrinin müşaviri Elkiyar Ziyadov yollayışlara imtina halları ilə bağlı məsələyə aydınlıq gətirərkən deyib.

O qeyd edib ki, bununla vətəndaşlar bal sisteminə əsasən seçiləcək:

"Yəni uzun müddət gedə bilməyən, sosial həssas qrupdan olan şəxslər əlavə bal alacaqlar".