AZpress.AZ-ın ARXİVİNDƏN
YADA DÜŞƏR XATİRƏLƏR:

Qulu Məhərrəmli:

Avropa paytaxtlarında bizdəki kimi dəbdəbəli restoranlara rast gələ bilməzsən

Avropa paytaxtları, o cümlədən Yeni ildə olduğumuz Budapeşt və Vyana təkcə arxitekturasına, memarlıq möcüzələrinə görə yox, həm də insanların sadə həyat tərzinə görə bir-birlərinə çox bənzəyir. Bizdəki kimi hər addımda supermarket və dəbdəbəli restoranlara rast gəlməzsən. Daha çox kiçik kafe, ekspres bar (pivə) və kofe yerləri dəbdədir. Yeməyə kult kimi baxmırlar.

Adamlar saatlarla restoranlarda oturmaz, tez-tez qədəh toqquşdurub uzun-uzadı danışmazlar, stola 5-6 cür yemək düzməzlər. Xəsislikdən deyil, sadəcə, tərz belədir. Yəni Avropa təkcə coğrafi məkan deyil, həm də və daha çox düşüncə tərzidir. Fərdləri və toplumu irəli aparan bir düşüncə tərzi…