AZpress.AZ-ın ARXİVİNDƏN
YADA DÜŞƏR XATİRƏLƏR:

Səadət Qərib: 

VƏTƏNDƏ İLK QAR

Pəncərənin önündə

Bir göyərçin gözləyir.

Uçuşan damlaları

Baxış-baxış izləyir.

 

Göyərçin millətim, can,

Qara həsrət qalanım.

Canım Azərbaycanım,

Qoy başına dolanım.

 

Xəzərimin qoynunda,

"Qız Qala" başına tac,

Qışın oğlan çağında,

Bir qətrə qara möhtac.

 

Gözün aydın, Vətənim,

Qar düşdü dağlarına.

Qurbanam ilqarına,

Həm də ki, ilk qarına.

 

Qərib Səadət isə

Vətəndən ayrı qalıb.

Qürbət ellər qəribin

Ömründən ömür çalıb.

 

Baharlarda baharsız

Buzlaşıbdı arzusu,

Amma xəyallarında

Günəş saçır duyğusu.

 

Vətənindən "didərgin"

Saralan bir gülün var,

Bir qəribəm ey Vətən

Məni özünə qaytar.

Səadət Qərib