Sumqayıt Uşaq Paralimpiya Oyunlarına ev sahibliyi edəcək

Milli Paralimpiya Komitəsinin təşəbbüsü və Gənclər və İdman Nazirliyinin dəstəyi ilə Əmək və Əhalinin Sosial Müdafiəsi Nazirliyinin Sosial Xidmətlər Agentliyinin tabeliyində olan Sumqayıt Paralimpiya İdman Kompleksi Uşaq Paralimpiya Oyunlarına ev sahibliyi edəcək.

Yarış 20 dekabrda keçiriləcək. Yüz otuz uşaq səkkiz idman növü üzrə müxtəlif kateqoriyalarda iştirak edəcək: paracüdo, parataekvondo, parapauerliftinq, paraüzgüçülük, parabadminton, para stolüstü tennis, paraokçuluq və boççe.

Uşaq Paralimpiya Oyunlarının əsas məqsədi əlilliyi olan insanları idmanla məşğul olmağa təşviq etmək və Azərbaycanı beynəlxalq yarışlarda təmsil edə biləcək yeni nəsil idmançı yetişdirməkdir.