İcbari tibbi sığortada ilkə imza atan alim

 

Nicat Xəlilov əczaçılıq elmləri üzrə fəlsəfə doktoru elmi dərəcəsinə layiq görülüb.
O, “Azərbaycanda icbari tibbi sığorta sistemində dərman təchizatının öyrənilməsi” elmi işi üzrə dissertasiyasını uğurla müdafiə edərək  Ali Attestasiya Komissiyasının müvafiq qərarı ilə bu elmi dərəcəyə sahiblənib. 
Qeyd edək ki, alimin bu tədqiqatı icbari sığorta sahəsi üzrə ilk elmi araşdırma sayılır.
Məlumat üçün bildirək ki, Nicat Qədiməli oğlu Xəlilov Masallı rayonunda anadan olub.
Orta təhsilini Bədəlan kənd tam orta məktəbində, ali təhsilini isə Azərbaycan Tibb Universitetində (Əczaçılıq fakültəsi), Bakı Dövlət Universitetinin magistratura pilləsində (biokimya ixtisası üzrə) alıb.
Hazırda DNK İstanbul Hospitalında tibbi direktor vəzifəsini icra edən N.Xəlilov müxtəlif illərdə Tarif (qiymət) şurasının katibliyində, Milli Məclisin Əmək və sosial siyasət komitəsində, əczaçılıq şirkətləri və klinikalarında çalışıb.
Səhiyyə eksperti, 47 yaşlı alım Nicat Xəlilovu təbrik edir, ona cansağlığı və elmi fəaliyyətində yeni nailiyyətlər arzulayırıq.

 

Akif AĞAYEV